15 мая ў Елкаўскай сельскай бібліятэцы была арганізавана літаратурная карусель “Востраў сямейных скарбаў”, прысвечаная Міжнароднаму дню сям’і. Бібліятэкар пазнаёміла дзяцей з гісторыяй гэтага знамянальнага дня. Дзеці ўспаміналі народныя прыказкі, разгадвалі загадкі, адказвалі на пытанні “Сямейнай казачнай віктарыны”, прыдумвалі вызначэнні шчаслівай сям’і, даведаліся аб парадку роднасных сувязяў: хто каму кім прыходзіцца. Цікава было слухаць, з якой душэўнай цеплынёй дзеці расказвалі пра сваю сям’ю, з вялікім задавальненнем малявалі яе, стваралі сямейны дом “Сям’я на далоньцы”. Гэты дзень паказаў вучням, як важна берагчы сямейныя каштоўнасці. Напрыканцы мерапрыемства бібліятэкар пажадала дзецям, каб у кожным іх доме, сям’і панавалі любоў, узаемаразуменне і цяпло!
