Зэльвенскую раённую бібліятэку наведалі навучэнцы 1 «А» класа гімназіі №1. Работнікі бібліятэкі правялі для іх экскурсію «З кнігай будзем мы сябраваць – кнігу будзем мы любіць». Дзяцей пазнаёмілі з асноўнымі правіламі карыстання бібліятэкай, распавялі аб правільным абыходжанні з кнігамі, як выбіраць кнігі і як паводзіць сябе ў бібліятэцы. Дзеці прагледзелі павучальны відэаролік пра карысць чытання, была прапанавана віктарына па казках, у якой яны змаглі паказаць свае веды. А таксама дзеці прымалі ўдзел у гульнях і конкурсах. У падарунак дзеці атрымалі памятку «Правілы паводзін у бібліятэцы» і закладку.
Юныя чытачы атрымалі шмат уражанняў. У выніку ўсе яны паабяцалі быць добрымі, акуратнымі чытачамі і часта прыходзіць у бібліятэку.
