25 мая у аграгарадку Крывічы бібліятэкары ДУК “Зэльвенская раённая бібліятэка” ладзілі брэндавае мерапрыемства “СВЯТА МАЛАКА”. Падчас мерапрыемства было весела, ліўся звонкі смех, гучала музыка. На працягу свята вялася гаворка аб любімым з дзяцінства напоі – малацэ. Жыхары аграгарадка з задавальненнем удзельнічалі ў вясёлых конкурсах, якія прыдумалі для іх бібліятэкары. На свяце былі ўзнагароджаны гаспадары, якія маюць на сваіх падвор’ях кароў. Фермерская гаспадарка ЮЛіК і мясцовыя гаспадыні парадавалі аднасяльчан дэгустацыяй страў з малака. Музыкальны падарунак падрыхтавалі работнікі “Зэльвенскага раённага Цэнтра культуры і народнай творчасці”.
На працягу ўсяго мерапрыемства панавала вясёлая і святочная атмасфера.
