У Бародзіцкай сельскай бібліятэцы да Сусветнага дня без тытуню з дзецьмі праведзена гадзіна здароўя “Курыць не модна – дыхай свабодна”. На мерапрыемстве дзеці разам з бібліятэкарам закранулі праблемы барацьбы з тытунёвай залежнасцю, пазнаёміліся з разнастайнай інфармацыяй у выглядзе лістовак, буклетаў і брашур пра шкоду курэння. Удзельнікі мерапрыемства прыйшлі да высновы, што трэба клапаціцца пра сваё здароўе і здароўе акружаючых з ранняга ўзросту, бо быць здаровым — гэта модна.
