У першы дзень лета работнікі Крывіцкай сельскай бібліятэкі-клуба да Дня абароны дзяцей запрасілі сваіх юных чытачоў на мерапрыемства, якое дазволіла дзецям цікава, з карысцю і на прыродзе адзначыць пачатак сваіх летніх канікул. Рабятам быў прапанаваны атракцыён усмешак “Чароўны свет дзяцінства”. Спачатку бібліятэкар павіншавала дзяцей з трайным святам. Якім? З Днём абароны дзяцей, першым летнім днём і пачаткам летніх канікул. Бібліятэкар прапанавала дзецям адгадаць загадкі, звязаныя з летняй парой. Затым былі прапанаваны розныя рухомыя гульні: “Кошык арэхаў”, “Хакей з венікам”, “Пераправа праз раку”, “Смачнае – не смачнае”, “Назаві летнюю прымету”, “Блытаніна” і іншыя. Мерапрыемства скончылася падвядзеннем вынікаў з наступным узнагароджаннем каманды пераможцы і заахвочваннем за ўдзел.
Пагадзіцеся, цудоўны пачатак летніх канікул для дзяцей.
