5 чэрвеня, у Сусветны дзень абароны навакольнага асяроддзя, бібліятэкар Каралінскай інтэграванай бібліятэкі запрасіла сваіх юных чытачоў на экалагічнае паведамленне “Нас акружае прыгажосць”. Хлопчыкаў і дзяўчынак пазнаёмілі з гісторыяй свята, распавялі пра паходжанне слова “экалогія”, растлумачылі функцыі эколага – спецыяліста, які ажыццяўляе прыродаахоўную дзейнасць, які займаецца “аздараўленнем” нашай планеты. Дзеці з цікавасцю праслухалі аповяд бібліятэкара аб беражлівых адносінах да навакольнага свету і зразумелі, што не толькі заводы і фабрыкі забруджваюць асяроддзе, але і чалавек, калі выкідвае самыя разнастайныя непатрэбныя рэчы. Паўдзельнічалі ў конкурсах “Экалагічны калейдаскоп”, “Лясная віктарына”, “Пазнай расліну”, гульні “Звалка”, пазнаёміліся з літаратурай дадзенай тэматыкі і размалявалі размалёўкі.
