У Зэльвенскай раённай бібліятэцы кожны дзень шумна і весела, а ўсё таму, што пачаліся канікулы. І бібліятэкары імкнуцца, каб у дзяцей лета праходзіла цікава і з карысцю. Сёння, вядома ж, не выключэнне. Падчас забаўляльнай праграмы “Свая гульня” дзеці з аздараўленчага лагера “Здаравячок” пабывалі на станцыях: “Карцінная галерэя”, “Загадкавая”, “Мультиландия”, “Выконвай”, “Гульнявая”. На кожнай станцыі хлопцы выконвалі свае заданні: адказвалі на пытанні віктарыны, адгадвалі загадкі, гулялі, спявалі і танцавалі. Час прайшоў хутка і займальна, а галоўнае з карысцю.
