Бібліятэкары Зэльвенскай раённай бібліятэкі чарговы раз весялілі дзяцей на дзіцячай пляцоўцы ў мікрараёне “Паўднёвы” па вуліцы Шашэйнай. Яны правялі для дзяцей гадзіну забаў “Колькі фарбаў у лета”. Дзеці з вялікай цікавасцю разглядалі новыя кнігі, прадстаўленыя на выставе, чыталі, даведваліся нешта новае, займальнае, павучальнае, а таксама пагулялі ў розныя гульні. Дзецям вельмі спадабалася, і яны не хацелі разыходзіцца па дамах.
