У Зэльвенскай раённай бібліятэцы прайшоў гістарычны экскурс “Нам аб’явілі, што пачалася вайна”. Каля аформленай кніжнай выставы ўдзельнікам мерапрыемства бібліятэкар расказала аб першых гадзінах пачатку вайны, таго памятнага дня, 22 чэрвеня 1941 года, аб важнейшых бітвах і подзвігах салдат, якія змагаліся за Радзіму. На працягу мерапрыемства гаварылася аб тым, якой цаной і якімі стратамі наш народ абараніў сваю краіну ў бітве з нямецка-фашысцкімі захопнікамі. Дэманстраваліся кадры кінахронікі першых дзён вайны. Рабяты праслухалі паведамленне Левітана пра пачатак вайны, прагучала песня “Свяшчэнная вайна”. 22 чэрвеня – дата, пра якую нельга забываць, яе трэба памятаць у імя мільёнаў абарваных людскіх жыццяў.
