У Князеўскай сельскай бібліятэцы да Дня ўсенароднай памяці ахвяр Вялікай Айчыннай вайны і генацыду беларускага народа з дзецьмі праведзены парад кніг пра вайну “Памятай свет выратаваны”. Бібліятэкар пазнаёміла юных чытачоў з літаратурай аб падзеях Вялікай Айчыннай вайны, аб гераізме нашых воінаў у першыя дні бітваў, аб генацыдзе беларускага народа. Дзеці разглядалі кнігі ваеннай тэматыкі, пра подзвігі салдат, якія змагаліся ў імя міру на нашай зямлі і выбіралі іх для чытання дома. Напрыканцы мерапрыемства ўсе разам ушанавалі памяць ахвяр фашызму хвілінай маўчання.
