У Міжэрыцкай інтэграванай бібліятэцы да 120-годдзя з дня нараджэння Пятруся Броўкі праведена літаратурная гадзіна “Паэт купалаўскай школы”. У час мерапрыемства бібліятэкар расказала дзецям аб тым, што Пятрусь Броўка з’яўляецца адным з вядомых літаратараў дваццатага стагоддзя, народны паэт і заслужаны дзеяч навукі Беларусі. Дзеці пазнаміліся з жыццёвым і творчым шляхам паэта, у іх выкананні гучалі яго вершы. Увазе дзяцей была прапанавана выстава кніг П.Броўкі. Любоў аўтара да Радзімы, прыроды, роднай мовы – усё гэта не пакінула юных чытачоў раўнадушнымі.
