У Бародзіцкай сельскай бібліятэцы з дзецьмі з мэтай бяспечных паводзін дзяцей падчас летніх канікул праведзены хвілінкі бяспекі “Дарожная азбука”. Рабяты пазнаёміліся з некаторымі правіламі дарожнага руху, замацавалі веды па дарожных знаках і працы святлафора. Дзеці прынялі ўдзел у гульні “Пераходзь вуліцу”, адказвалі на пытанні віктарыны “Гаспадар дарожны знак”. Напрыканцы мерапрыемства дзеці зрабілі выснову, што толькі выконваючы правілы дарожнага руху можна захаваць сваё здароўе і жыццё.
