Да Дня Незалежнасці краіны ў Елкаўскай сельскай бібліятэцы быў арганізаваны гістарычны ваяж “Маленькім беларусам пра вялікую Беларусь”. Бібліятэкар распавяла рабятам пра дзяржаўныя сімвалы Рэспублікі Беларусь, у якіх выпадках падымаецца флаг, што адлюстравана на гербе, як гучыць гімн і як сябе паводзіць пры яго выкананні. Хлопчыкі і дзяўчынкі паказвалі свае веды пра Радзіму, адказвалі на пытанні аб яе гарадах, аб іх славутасцях, аб беларускіх народных традыцыях, аб разнастайнасці жывёльнага і расліннага свету. Гістарычны ваяж прайшоў пазнавальна і весела, пакінуўшы ў маленькіх беларусаў яркія ўражанні аб вялікай і любімай Беларусі.
