Бібліятэкары Зэльвенскай раённай бібліятэкі падрыхтавалі для дзяцей, якія адпачываюць у лагеры «Блакітная хваля», літаратурную гульню “Кніжныя гонкі”. Юныя чытачы здзейснілі займальнае падарожжа па старонках любімых казак і пабывалі ў гасцях у сваіх любімых герояў. Хлопцы ўдзельнічалі ў эстафетах: “Курачка Раба”, “Калабок”, “Рэпка”. Затым яны адгадвалі казкі і казачных персанажаў, удзельнічаючы ў конкурсах: “Адгадай казку”, “Адгадай героя казкі”, “Чый прадмет”, “Казкі пераблыталіся”. Дзеці лёгка справіліся з усімі заданнямі, весела і з карысцю правялі час, а напрыканцы расказалі аб сваіх любімых казках і казачных героях.
