Бібліятэкары Зэльвенскай раённай бібліятэкі падрыхтавалі для рабят у лагнеры “Блакітная хваля” краязнаўчую экспедыцыю “Мая маленькая старонка – мая Зэльвеншчына”. Малая радзіма ёсць у кожнага з нас: горад, пасёлак ці маленькая вёсачка. І кожнаму чалавеку цікава даведацца, кім былі яго продкі, дзе яны жылі і дзе сапраўдная малая радзіма. У часе мерапрыемства бібліятэкары расказалі рабятам пра Зэльвеншчыну, пра яе традыцыі, прыроду і сімвал пасёлка. А таксама рабята даведаліся пра архітэктурныя і прыродныя помнікі Зэльвеншчыны. Мерапрыемства прайшло цікава і змястоўна.
