Дванаццатага ліпеня наш раён адзначае Дзень вызвалення Зэльвеншчыны ад нямецка-фашысцкіх захопнікаў і бібліятэкар Крывіцкай сельскай бібліятэкі-клуба запрасіла сваіх чытачоў на краязнаўчую гадзіну “Героі Вялікай Айчыйнай вайны ў назвах вуліц Зэльвы”, прымеркаваную гэтай даце. Падчас мерапрыемства бібліятэкар расказвала пра гісторыю тых вуліц пасёлка, якія названы ў гонар Герояў Савецкага Саюза, праслаўленых камандзіраў, франтавікоў і партызан, непасрэдных удзельнікаў вызвалення Зэльвы, альбо загінуўшых пры яе вызваленні у час Вялікай Айчыннай вайны: Алега Кашавога, Паўла Булака, Канстанціна Заслонава, Зою Касмадзям’янскую, генералаў Дзмітрыя Карбышава і Івана Чарняхоўскага і іншых. Прысутныя з вялікай увагай слухалі аповед бібліятэкара і даведаліся шмат новага.
