Бібліятэкар Кашалёўскай сельскай бібліятэкі-клуба сабрала сваіх чытачоў на інфармацыйную гадзіну “Ваенная памяць народа будзе жыць у стагоддзях”, якая была прысвечана Дню вызвалення Зэльвенскага раёна ад нямецка-фашысцкіх захопнікаў. У ходзе мерапрыемства бібліятэкар распавяла ўдзельнікам аб доўгім шляху савецкага народа да Перамогі ў Вялікай Айчыннай вайне, аб 1418 днях цяжкіх пакут, масавым гераізме на фронтах і ў тыле, бяспрыкладным подзвігу. Вайна прайшла праз кожную сям’ю, выразна падзяліўшы час на “даваенны” і “ваенны”. Распавяла яна пра вызваленчую аперацыю “Баграціён”, падчас якой была вызвалена Беларусь і пра вызваленне Зэльвеншчыны.
