12 ліпеня – дата, якая знаёма кожнаму жыхару нашага раёна, бо менавіта ў гэты дзень была вызвалена Зэльвеншчына. Бібліятэкар Славаціцкай сельскай бібліятэкі-клуба прымеркавала да гэтай даты вечар успамінаў “Аб подзвігу не змоўкне слава”. Бібліятэкар расказала дзецям пра пачатак вайны, пра значныя баі і аперацыі, пра дзяцей вайны, якія нароўні з дарослымі ўнеслі свой уклад у Перамогу. Адна з чытачоў бібліятэкі падзялілася ўспамінамі аб мясцовых жыхарах, якія прымалі ўдзел у баях за вызваленне Радзімы. Усе ўдзельнікі мерапрыемства з вялікай цікавасцю і гонарам слухалі пра подзвігі сваіх землякоў і ўшанавалі іх памяць хвілінай маўчання.
