Падчас выезду бібліёбуса Зэльвенскай раённай бібліятэкі ў вёсцы Пеляжын прайшла гадзіна карысных парадаў “Летнія клопаты, восеньскія нарыхтоўкі”. Для многіх нашых чытачоў і, у прынцыпе, многіх людзей цяпер актуальная тэма кансервавання гародніны і садавіны. Бібліятэкар расказала, як развівалася кансерваванне, зазірнулі ў мінулае, пазнаёміліся са старажытнымі рэцэптамі нарыхтовак. Далей падчас гутаркі і з кніг даведаліся пра спосабы захоўвання і перапрацоўкі свежых пладоў і гародніны, з чаго і як нарыхтоўваць любімыя напоі, аб рэцэптах кансервавання гародніны і садавіны без солі і цукру, аб хуткіх нарыхтоўках пладоў ягад і гародніны. На мерапрыемстве чытачы ўзялі сабе на заметку шмат карыснага і, вядома ж, падзяліліся паміж сабой сваімі лепшымі рэцэптамі.
