У лагеры “Блакітная хваля” бібліятэкары Зэльвенскай раённай бібліятэкі правялі гульнявую праграму “Рэальная віртуальнасць”. Тэмай праграмы стала камп’ютарная залежнасць, якая з’яўляецца на сённяшні дзень распаўсюджанай праблемай сярод дзяцей і падлеткаў. Падчас мерапрыемства бібліятэкары пастараліся данесці дзецям, што камп’ютар можна выкарыстоўваць не толькі ў якасці цацкі, але і як цікавы сродак для атрымання новых ведаў. Бібліятэкары не забыліся нагадаць і пра кнігі, якія таксама могуць дазволіць добра правесці час. Далей бібліятэкары патлумачылі дзецям, што можна цікава правесці свой вольны час, гуляючы ў рэальным жыцці, што і было рэалізавана падчас мерапрыемства.
