Не прыйшлося і сёння сумаваць дзецям на дзіцячай пляцоўцы ў мікрараёне “Паўночны” па вуліцы Чыгуначнай. Бібліятэкары Зэльвенскай раённай бібліятэкі падрыхтавалі для іх літаратурную гадзіну “Лета з кнігай на лаўцы”. Дзеці разглядалі новыя кнігі, прадстаўленыя на выставе, адгадвалі загадкі, адказвалі на пытанні віктарыны, а таксама сеўшы на лаўку кожны жадаючы змог на свежым паветры ў ясны, сонечны дзянёк пачытаць свае любімыя кнігі. Далей дзецям былі прапанаваны розныя настольныя і рухомыя гульні. Дзеці весела, а галоўнае з карысцю правялі свой вольны час.
