Бібліятэкар Крывіцкай сельскай бібліятэкі-клуба, разам са сваімі чытачамі, арганізавала акцыю па добраўпарадкаванні “Зялёны дзень у бібліятэцы”. У пачатку сустрэчы яна нагадала дзецям, што 2025 год аб’яўлены ў Беларусі Годам добраўпарадкавання. Разам паразважалі над паняццем “добраўпарадкаванне”, зрабілі выснову, што кожны здольны ўнесці сваю лепту ў паляпшэнне і росквіт роднай зямлі. Бібліятэкар падкрэсліла, што пачынаць з малога – значыць рабіць першыя крокі да вялікіх пераменаў. Нават простая ўборка ў бібліятэцы, пасадка пакаёвых раслін або збор фанцікаў на вуліцы можа стаць значным укладам у добраўпарадкаванне нашай агульнай прасторы. Дзецям было прапанавана перасадзіць пакаёвыя расліны, якія растуць у бібліятэцы-клубе. Хлопчыкі і дзяўчынкі добра папрацавалі і былі рады, што прынялі ўдзел у такой высакароднай справе.
