Дваццатага ліпеня работнікі Крывіцкай сельскай бібліятэкі-клуба запрасілі дзяцей аграгарадка Крывічы на вясёлыя гульні “Настрой на УРА”. Вядучая нагадала дзецям, што працягваюцца летнія канікулы, а канікулы гэта здорава! Кожны дзень летняга календара трэба правадзіць радасна і весела. Удзельнікам было прапанавана стварыць дзве каманды і выбраць капітанаў каманд.
Пачалася гульня з інтэлектуальнай размінкі. Рабяты змаглі праявіць свае веды, адказваючы на розныя загадкі і жартоўныя пытанні на летнюю тэматыку. Удзельнікі па чарзе давалі адказы. Затым праводзілася рухомыя гульні, конкурсы і эстафеты: “Кенгуру” (бег з мячом), “Ліса Аліса і кот Базіліо”, “Начны кіроўца”, “Пераправа”, “Хакей са швабрай” і інш. У канцы мерапрыемства былі падведзены вынікі і ўзнагароджаны пераможцы. А вядучая пажадала ўсім удзельнікам мерапрыемства прамяністых усмешак і добрага настрою.
