Бібліятэкар Каралінскай інтэграванай бібліятэкі запрасіла сваіх юных чытачоў на літаратурны лабірынт “Чытайце, чытайце, старонкі гартайце”. Адказваючы на пытанні літаратурнай віктарыны, адгадваючы загадкі, удзельнічаючы ў конкурсах і гульнях: “Размінка”, “Тэатральны”, “Гара прыказак”, “Збярыцеся ў кніжку”, дзеці змаглі праявіць свае лепшыя якасці: эрудыцыю, знаходлівасць, лагічнае мысленне, уменне працаваць у камандзе, і, самае галоўнае, праверыць свае веды ў галіне літаратуры. У канцы мерапрыемства ўдзельнікі пазнаёміліся з навінкамі літаратуры і некаторыя з кніг ўзялі дадому. На працягу ўсяго мерапрыемства ў бібліятэцы панавала атмасфера радасці і весялосці.