Лета – выдатны час для зносін з сябрамі, а асабліва выдатныя сустрэчы з любімай кнігай. Падчас выезду бібліобуса Зэльвенскай раённай бібліятэкі ў вёсцы Марціновічы прайшла літаратурная гадзіна “Лета з кнігай на лаўцы”. Дзеці займальна і цікава правялі свой вольны час у сонечны летні дзень: чыталі свае любімыя кнігі на свежым паветры, дзяліліся ўражаннямі аб прачытаным, адказвалі на пытанні літаратурнай віктарыны “Карагод казак”, разгадвалі загадкі, удзельнічалі ў віктарыне па казцы “Аленький цветочек”. Усе без выключэння былі актыўныя, дапытлівыя, прадэманстравалі сваю начытанасць і любоў да кніг. Мерапрыемства прайшло весела, цікава, з запалам!
