Усе дзеці любяць лета, бо гэта самая яркая і вясёлая пара года. А лепшае правядзенне часу — гэта рухомыя гульні на свежым паветры. Бібліятэкары Зэльвенскай раённай бібліятэкі правялі для адпачываючых аздараўленчага лагера “Блакітная хваля” забаўляльную праграму “Пагуляем, пашумім”, у якую былі ўключаны загадкі, эстафеты, конкурсы, віктарыны на летнюю тэму. Удзельнікаў чакалі няпростыя выпрабаванні на спрытнасць, смеласць і кемлівасць. Дзеці выдатна справіліся. Вельмі спадабаліся дзецям гульні: “Адкажы на пытанне”, “Адгадай загаданае”, “Вясёлы кенгуру”. Падчас мерапрыемства ўсе ўдзельнікі атрымалі зарад бадзёрасці і выдатнага настрою.
