Каб канікулы ў дзяцей праходзілі цікава, пазнавальна і займальна, бібліятэкары імкнуцца арганізаваць іх летні вольны час праз гульню і кнігу. А сёння бібліятэкары Зэльвенскай раённай бібліятэкі запрасілі рабят на гульнявы ералаш “Мы будзем весяліцца і гуляць” на дзіцячай пляцоўцы ў мікрараёне “Паўднёвым”. Дзеці акунуліся ў вясёлую і сяброўскую атмасферу, пагулялі ў цікавыя настольныя гульні і вясёлыя эстафеты. Мерапрыемства ўпрыгожвалі рытмічныя мелодыі, якія гучалі на працягу ўсяго мерапрыемства. Усе ўдзельнікі атрымалі масу уражанняў, а самае галоўнае праявілі сяброўскія ўзаемаадносіны і з карысцю правялі час.
