У Крывіцкай сельскай бібліятэцы-клубе прайшла гутарка-папярэджанне з удзелам інспектара МНС “Ні ноччу, ні днём не жартуй з агнём!”. Чалавек мацней агню, ён можа кіраваць ім, але прыходзіць бяда калі чалавек губляе ўладу над агнём. Кароткае, але страшнае слова – пажар. Дзецям было расказана пра тое, што можа прывесці да пажару ў доме, чым страшны пажар для ўсяго жывога, як можна патушыць агонь. Удзельнікі даведаліся, што тушэнне пажараў справа вельмі сур’ёзная і ім займаюцца спецыялісты – пажарныя. Таксама рабят пазнаёмілі з правіламі пажарнай бяспекі. Атрыманыя веды дзеці замацавалі адказаўшы на пытанні віктарыны “Свет без небяспекі”.
