У Славаціцкай сельскай бібліятэцы-клубе прайшла гадзіна інфармацыі “Чай сваімі рукамі”. Бібліятэкар распавяла ўдзельнікам, што многія любяць рыхтаваць гарбату з свежых лісцяў парэчкі, суніцы, вішні, мяты… І на зіму многія нарыхтоўваюць гэтыя прадукты. Для таго каб атрымалася смачная і духмяная гарбата, важна правільна выбраць расліны для яе падрыхтоўкі. Удзельнікі мерапрыемства падзяліліся рэцэптамі прыгатавання гарбаты, якія перадаюцца з пакалення ў пакаленне ў іх сем’ях. Гэта быў не толькі аповяд пра любімую гарбату, але была магчымасць пагутарыць, абмяняцца каштоўнымі сакрэтамі і парадамі па падрыхтоўцы гарбаты. Мерапрыемства стварыла ўтульную абстаноўку для тых, хто любіць чаёўнічаць.
