Канікулы для дзяцей – гэта выдатная магчымасць адпачыць і правесці час весела. Бібліятэкары Зэльвенскай раённай бібліятэкі для дзяцей, якія жывуць у мікрараёне “Паўночны”, правялі гульнявы ералаш “Мы будзем весяліцца і гуляць”. Праграма была насычанай з мноствам вясёлых конкурсаў і гульняў, і не пакінула абыякавым ні аднаго дзіцяці. Атмасфера весялосці, смеху, свавольства, усмешак і добрага настрою не пакідала дзяцей на працягу ўсяго мерапрыемства. А ў канцы праграмы дзеці з радасцю патанцавалі пад музыку. Гэта было сапраўднае святочнае завяршэнне мерапрыемства, якое пакінула масу станоўчых эмоцый і ўражанняў.
