Бібліятэкар Крывіцкай сельскай бібліятэкі-клуба запрасіла дзяцей у этнаграфічны куток на экскурс “Часоў былых і новых повязь”. Яна распавяла дзецям пра экспазіцыю этнаграфічнага кутка, стылізаванага пад беларускую хату, пра некаторыя прадметы побыту, якімі карысталіся раней. Для таго, каб дзеці лепш даведаліся і запомнілі прадметы побыту, яна апісвала які-небудзь экспанат, а дзеці павінны былі не толькі назваць прадмет, але і знайсці яго ў этнаграфічным кутку. У канцы мерапрыемства бібліятэкар прапанавала дзецям пагуляць у гульню сваіх бабуль і дзядуляў пад назвай “Колечко-колечко, выйди на крылечко!”. Хутка, цікава і незаўважна праляцеў час.
