Лета – дзіўная пара, якая дорыць нам цэлы акіян эмоцый і ўражанняў, вітамінаў, прыгажосць фарбаў і час для ўдзелу ў многіх мерапрыемствах. Бібліятэкар Бародзіцкай сельскай бібліятэкі правяла са сваім чытачамі арт-тэрапію: малюнкі на асфальце “Фантазіі лета”. Малюнкі на асфальце крэйдамі – гэта сапраўдны сімвал дзяцінства. І хоць, яны хутка сціраюцца і змываюцца пад дажджом, але для ўдзельнікаў мерапрыемства важны сам працэс. Імкнучыся пахваліцца сваім майстэрствам і парадаваць іншых “мастакі” старанна выводзілі лініі. Рабяты аказаліся вялікімі фантазёрамі і творча падышлі да задання: праз некалькі хвілін на асфальце з’явілася рознакаляровая палітра фарбаў. У дружнай кампаніі ўсе весела правялі час, ствараючы яркія і запамінальныя моманты.
