Новыя кнігі ў бібліятэцы заўсёды радасць для чытача і бібліятэкара. Кожнаму кнігалюбу знаёма адчуванне, якое атрымліваеш ад сустрэчы з новай кнігай. Гэта прадчуванне паглыблення ў яшчэ нязведаны свет кнігі, пах друкарскай фарбы, хруст новых старонак… Падчас выезду бібліёбуса ў вёсцы Манцякі прайшоў дзень інфармацыі “Раім пачытаць: Дзень новай кнігі”. На выставе была прадстаўлена мастацкая літаратура фантастычнага, дэтэктыўнага жанру, а таксама жаночыя раманы і сучасная проза. Кожны жадаючы змог пазнаёміцца з новай літаратурай і ўзяць упадабаныя кнігі.
