Усе дзеці любяць лета, бо гэта самы яркі і вясёлы час года. А галоўнае, летам можна знайсці мноства займальных заняткаў! Сёння бібліятэкары Зэльвенскай раённай бібліятэкі правялі з рабятамі забаўляльную гадзіну «Чытай, гуляй і адпачывай» на дзіцячай пляцоўцы, у мікрараёне «Паўночны». У гульнявую праграму былі ўключаны загадкі, віктарыны, гульні і іншыя забавы. Звонкі смех, шчаслівыя твары дзяцей — такая ажыўленая атмасфера панавала на гульнявой пляцоўцы. Гулялі дружна! Настрой быў ва ўсіх выдатны! А шчаслівыя ад захаплення вочы дзяцей — лепшая ўзнагарода арганізатарам мерапрыемства.