Бібліятэкар Каралінскай інтэграванай бібліятэкі для дзяцей з аздараўленчага лагера “Блакітная хваля” падрыхтавала экалагічнае паведамленне “Нас акружае прыгажосць”. Яна пазнаёміла дзяцей са значэннем слова “экалогія”, расказала аб праблемах забруджвання навакольнага асяроддзя і адказнасці кожнага чалавека за чысціню планеты. У ходзе мерапрыемства ўдзельнікі спаборнічалі ў экалагічных гульнях і конкурсах: “Звалка”, “Экалагічны калейдаскоп”, “Пазнай расліну”, “Народныя прыкметы” і дружна адказвалі на пытанні экалагічнай віктарыны. Дзеці пазнаёміліся з літаратурай дадзенай тэматыкі. Мерапрыемства стала напамінам аб праблемах экалогіі і магчымасці кожнага чалавека ўнесці свой уклад у іх рашэнне.
