Лета – цудоўная пара для забаў, весялосці, рухомых гульняў на свежым паветры. Работнікі Крывіцкай сельскай бібліятэкі-клуба сабралі дзяцей аграгарадка на імправізаваную гульню “Фізкульт—УРА!”. Удзельнікам было прапанавана разбіцца на дзве каманды і выбраць капітана. Пачалася гульня з эстафеты з абручамі. Далей праводзіліся розныя спартыўныя конкурсы, гульні з мячом і з вяроўкай. Змаглі каманды памерацца не толькі хуткасцю і спрытам, але і сілай, падчас перацягвання каната. Напрыканцы мерапрыемства былі падведзены вынікі і ўзнагароджаны пераможцы. А вядучыя пажадалі ўсім добрага настрою і выдатна правесці астатак летніх канікул.
