У Славаціцкай сельскай бібліятэцы-клубе з дзецьмі праведзена гутарка-папярэджанне “Ні ноччу, ні днём не жартуй з агнём”. Бібліятэкар расказала дзецям, што агонь наш сябар, калі мы ставімся да яго разумна і беражліва. Аднак, калі мы не задумваемся аб правілах бяспекі пры карыстанні ім, ён ператвараецца ў самага лютага ворага. Дзеці гаварылі аб прычынах узнікнення пажару, нагадалі аб правілах паводзін на пажары. У канцы мерапрыемства дзецям былі ўручаны памяткі з правіламі пажарнай бяспекі.
