Лета – гэта ўнікальная магчымасць правядзення для дзяцей яркіх мерапрыемстваў на свежым паветры. Бібліятэкар Каралінскай інтэграванай бібліятэкі выкарыстоўвае магчымасць зрабіць вольны час рабят не толькі цікавым, але і карысным. Для дзяцей-чытачоў была праведзена конкурсна-пазнавальная праграма “Сонечныя сустрэчы з кнігай”. Удзельнічаючы ў конкурсах і гульнях, адказваючы на пытанні віктарыны дзеці ўспомнілі прозвішчы пісьменнікаў, чароўныя словы, якія вымаўлялі героі казак, адгадвалі героя па падзеі, якая здарылася ў яго жыцці. Пазнаёміліся ўдзельнікі мерапрыемства з бібліятэчнымі навінкамі і пагадзіліся, што галоўны скарб – гэта кнігі, з якіх можна даведацца нямала цікавых гісторый.
