Юныя чытачы заўсёды з велізарным задавальненнем прымаюць удзел у гутарках і гульнявых праграмах на тэму дружбы, дабрыні, добрых паводзінаў. Прыклады паводзін літаратурных герояў, як правіла, актыўна абмяркоўваюцца дзецьмі. Падчас правядзення ў Елкаўскай сельскай бібліятэцы гучных чытанняў з гутаркай “Ну-ка разам пачытаем пра дабро і дабрыню” дзеці разам з бібліятэкарам чыталі ўслых апавяданне В. Асеевай “Чароўнае слова”, успаміналі “чароўныя” словы і правілы паводзін, разважалі пра ўчынкі кніжных герояў, пра тое, што такое дабро і ці лёгка быць ветлівым. Дзеці на працягу ўсяго мерапрыемства былі ўважлівыя і актыўныя.
