На цудоўным свяце “Ганненскі кірмаш” бібліятэкары Зэльвенскай раённай бібліятэкі працавалі на пляцоўцы-інсталяцыі “Кніжная лаўка”. Усе жадаючыя маглі азнаёміцца з гісторыяй Ганненскага кірмашу, даведацца цікавыя факты пра каня, выпісаць ўласнаручна гусіным пяром дыплом удзельніка свята. Таксама тут можна было паваражыць і даведацца, што чакае ў найбліжэйшай будучыні. Сярод шматлікіх наведвальнікаў пляцоўкі былі і ўдзельнікі семінара-практыкума “Культурна-турыстычная дзейнасць ва ўстановах культуры Слонімскага, Мастоўскага, Зэльвенскага раёнаў: сучасныя тэндэнцыі”. У кнізе водгукаў было пакінута шмат пажаданняў працвітання нашай Зэльвеншчыне і кірмашу, у тым ліку і ад нашага земляка, дэпутата Палаты прадстаўнікоў Нацыянальнага сходу Рэспублікі Беларусь Семянякі Валянціна Міхайлавіча. Сюрпрыз для бібліятэкараў зрабіў Уладзімір Мазго, наш зямляк, член Саюза пісьменнікаў Беларусі, які падарыў раённай бібліятэцы кнігу.
