Бібліятэкары Зэльвенскай раённай бібліятэкі традыцыйна ўнеслі ўклад у арганізацыю свята “Ганненскі кірмаш”. Іх сіламі быў падрыхтаваны музей пад адкрытым небам, дзе былі прадстаўлены экспанаты, якія ў розны час вырабляліся народнымі майстрамі і ўдзельнічалі ў правядзенні конкурсаў на лепшую работу дэкаратыўна-прыкладнога мастацтва, на лепшую кірмашовую ляльку. Асаблівае месца ў музеі, безумоўна, было прысвечана коням – галоўнаму аб’екту праходзячых ў Зэльве таргоў. На музейных вітрынах фігуры коней, вырабленыя з розных матэрыялаў, а таксама дэкаратыўныя вырабы ў выглядзе падковы. Асаблівую ўвагу прыцягнула зона выставы рарытэтных куфраў, напоўненых ткацкімі і швейнымі вырабамі.
