У рамках святкавання Дня беларускага пісьменства, а таксама з мэтай выхавання ў падрастаючага пакалення беражлівых адносін да духоўнай спадчыны нашай краіны супрацоўнікі Зэльвенскай раённай бібліятэкі арганізавалі для юных чытачоў гістарычны дыліжанс «Асветнікі зямлі беларускай». Бібліятэкары расказалі дзецям пра гісторыю ўзнікнення пісьменства і кнігадрукавання на тэрыторыі Беларусі. Пазнаёмілі таксама з біяграфіяй вялікага першадрукара Францыска Скарыны, з жыццём і дзейнасцю першых асветнікаў беларускай зямлі: Ефрасінні Полацкай, Сымона Буднага, Кірыла Тураўскага і інш. А затым замацавалі інфармацыю адказамі на пытанні віктарыны “Адкуль пісьменнасць прыйшла?”.
