Аматары літаратурна-музычнай гасцёўні “Ліра” Зэльвенскай раённай бібліятэкі правялі чарговае пасяджэнне ў фармаце літаратурнага партрэту “Уладары сэрцаў людскіх”, які быў прысвечаны 120-годдзю з дня нараджэння народных паэтаў Беларусі Пятруся Броўкі і Пятра Глебкі. Падчас сустрэчы вядучыя мерапрыемства нагадалі факты з жыцця літаратараў, іх творчай біяграфіі. Цікавымі і змястоўнымі былі выступленні ўдзельнікаў літаратурна-музычнай гасцёўні “Ліра”. У таленавітым, пранікнёным іх выкананні прагучалі вершы Пятра Глебкі: “Родны хлеб”, “Пасылка”, “Аб чым спяваюць салаў’і”. Сустрэча прайшла ў цёплай атмасферы.
