Бібліятэкар Елкаўскай сельскай бібліятэкі правяла для дзяцей літаратурна-гульнявую праграму. “Бабулі і дзядулі ў дзіцячай літаратуры”. Удзельнікі спачатку разам абмеркавалі, каго называюць “пажылым чалавекам”, чаму важна аберагаць і дапамагаць старэйшаму пакаленню. Потым дзеці расказвалі пра сваіх бабуляў і дзядуляў і пра тое, як прыемна бавіць час разам. Таксама адгадвалі загадкі, збіралі прыказкі і прымаўкі, адказвалі на пытанні віктарыны “Казачныя бабулі і дзядулі”, гулялі ў гульню “Бабуля пайшла на базар і купіла….”. У канцы мерапрыемства з вялікім задавальненнем размалёўвалі карцінкі, прысвечаныя бабулям і дзядулям.
