У Князеўскай сельскай бібліятэцы для навучэнцаў ДУА “Князеўская сярэдняя школа” да Сусветнага Дня абароны жывёл праведзена экалагічная гадзіна “Жывёлы просяць дапамогі”. Бібліятэкар расказала дзецям, чаму быў устаноўлены гэты дзень у календары, што жывёлы, як і людзі маюць права на існаванне, абарону і добрыя да іх адносіны. Дзеці адказвалі на пытанні віктарыны “Дзікія і дамашнія жывёлы”, па малюначках вызначалі “У якой жывёлы якая мама”, адгадвалі загадкі. У канцы мерапрыемства дзеці падзяліліся, як яны самі ставяцца да прыроды, да сваіх дамашніх гадаванцаў.
