Бібліятэкар Славаціцкай сельскай бібліятэкі-клуба ў межах дэкады “Залаты ўзрост” наведала сваіх пажылых чытачоў дома з візітам-віншаваннем “Са святам”. Тэма паважлівага стаўлення да старэйшага пакалення з’яўляецца актуальнай заўсёды. Побач з намі жывуць людзі, якія патрабуюць клопату і ўвагі. Падчас візіту прагучала шмат цёплых слоў і пажаданняў людзям “залатога” ўзросту. Наведванне прайшло ў душэўнай абстаноўцы і падарыла ўсім радасць.
