Падчас выезду бібліобуса Зэльвенскай раённай бібліятэкі ў аддзяленні кругласутачнага знаходжання для грамадзян пажылога ўзросту і інвалідаў в.Мадзейкі бібліятэкар прапанавала здзейсніць віртуальнае паломніцтва «Духоўныя святыні Зэльвеншчыны». Сёння любому веруючаму чалавеку, які цікавіцца гісторыяй рэлігіі, жыццём святых, хочацца пабываць у святых месцах і ўбачыць іх на свае вочы, пакланіцца ім. Падчас мерапрыемства бібліятэкар прапанавала ўдзельнікам акунуцца ў займальнае падарожжа па роднай зямлі. Яна расказала аб архітэктурных асаблівасцях праваслаўных і каталіцкіх храмаў Зэльвенскага краю, гісторыі іх стварэння і вядомых абразах нават за межамі Беларусі.
