У простай, даступнай форме, з выкарыстаннем гульнявых момантаў прайшоў урок бяспекі “Запалка не цацка — агонь не забава” для дзяцей ДУА “Дзіцячы сад аграгарадка Елка”. Бібліятэкар расказала дзецям пра тое, для чаго патрэбныя людзям запалкі і чым яны небяспечныя. Дзеці даведаліся пра прычыны ўзнікнення пажараў і пра тое, як правільна дзейнічаць, калі раптам у доме або на вуліцы здарыцца пажар. У працэсе гутаркі дзеці актыўна абмяркоўвалі тэму, дзяліліся сваімі ведамі, азнаёміліся з правіламі пажарнай бяспекі, успомнілі нумары выкліку пажарнай часці “101” і экстранага выкліку “112”. Усе разам адгадвалі загадкі, гулялі ў гульню “Можна-нельга”, адказвалі на пытанні, выбіраючы з некалькіх варыянтаў правільны адказ.
У заключэнне бібліятэкар яшчэ раз нагадала дзецям, што запалкі – гэта не цацка, таму што ў адной каробцы ляжыць шмат запалак, і кожная можа стаць прычынай пажару.
