Зэльвенскую раённую бібліятэку наведалі выхаванцы старэйшай групы ДЦРР №1, дзе работнікі правялі для іх экскурсію “Тут разумныя кнігі жывуць”. Бібліятэкары гасцінна сустрэлі рабят і прапанавалі здзейсніць займальнае падарожжа ў свет кніг. Яны распавялі юным чытачам, для чаго патрэбна бібліятэка, пазнаёмілі з аддзеламі бібліятэкі, з разнастайнай калекцыяй кніг, часопісаў, з правіламі абыходжання з кнігамі, як выбіраць кнігі і як паводзіць сябе ў бібліятэцы, даведаліся, што азначае слова “фармуляр” і як запісацца ў бібліятэку. Для замацавання атрыманых ведаў правялі гульню “Можна і нельга”. Экскурсія вельмі ўразіла дашкалят. Выходзіць з бібліятэкі дзецям не хацелася, і яны паабяцалі, што прыйдуць у бібліятэку яшчэ і разам з бацькамі.
