Восень – самая прыгожая пара года, гэта час парасонаў, што даўно застаяліся ў куце, а яшчэ час чытаць добрыя кнігі, якія стаяць на кніжных паліцах бібліятэкі і чакаюць свайго чытача. У Каралінскай сельскай бібліятэцы падчас восеньскіх канікул была праведзена кніжная карусель “Кніжны парасон ад непагоды”. Падчас мерапрыемства ўсім было весела і для кожнага знайшлося заданне. Выконваючы заданні бібліятэкара, дзеці ўспаміналі добрых і злых, смешных і сумных, вясёлых і знаходлівых герояў казак і апавяданняў. А таксама дружна прымалі ўдзел у конкурсах і рухомых гульнях. Час праляцеў хутка, цікава, а галоўнае з карысцю.
